Participación nas charlas con Eloy Moreno

 O noso club de lectura "Un mar de contos" participou nas charlas organizacas pola Editorial Pinguin con Eloy Moreno, autor do libro "Invisible" que limos este curso no noso club.

Reunión de maio do Club de Lectura Salitre

 

Concurso de maquetas de casas indianas_ Lectura e familias

Como sabedes este curso estivemos traballando e investigando sobre as casas indianas da localidade. Para pechar o proxecto dende o equipo de biblioteca e coa colaboración co equipo de Medio Ambiente, faremos un concurso: “A miña casa indiana” .  
    O concurso consistirá na entrega da maqueta dunha casa indiana realizada con materiais de refugallo,  unha actividade para que realicedes en familia, afondando  e enriquecéndonos co coñecemento sobre estas construcións que forman parte do patrimonio cultural da localidade. A idea é que pasedes uns bo rato en familia colaborando na toma de decisións sobre a arquitectura, os materiais... e desfrutando na construción das mesmas.
 

•  Cantidade: Poderá entregarse unha maqueta por familia
•   Pode ser unha casa real da contorna, algunha que existiu e xa non se conserva, ou inventada, neste último caso, cumprindo as características (podedes consultar o documento facilitado por Ana Lima premendo aquí).
•   Materiais permitidos: Materiais de refugallo e naturais (Follas, piñas, cunchas...)
•  Dimensións: libres
•   Premios: Daranse 3 premios e Premio elección do alumnado.
•  Prazos de entrega: 5 -19 de maio
•  Publicación dos resultados: Venres 22 de maio
•  Entrega de premios: Venres 5 de xuño, coincidindo co Día do Medio Ambiente 

 

Charla coa arquitecta Ana Lima

 

O martes, 28 de abril, tivemos a sorte de contar na nosa biblioteca coa visita de Ana Lima, Doutora en Arquitectura e Urbanismo e profesora na Faculdade de Arquitetura Gallaecia da Universidade Portucalense. E veu darnos unha charla informativa sobre a arquitectura das casas indianas e dos elementos que as identifican. Foi unha actividade moi gratificante que o noso alumnado disfrutou moito, ademais de aprender cousas moi interesantes.    Para acabar a actividade, o alumnado de 6º fíxolle unha pequena entrevista. En breve publicarémola!   Podedes acceder ao documento feito por ela para a presentación e que vos pode ser de moita utilidade na elaboración das futuras maquetas premendo aquí.

Actividades Día del Libro 2026_Biblioteca Creativa

Creación dun conto polo alumnado de 6º de Ed. Infantil: 

"El pastel está tan arriba"

 

O alumnado do 1º Ciclo de Primaria elaborou o seu conto e a súa rosa vermella para agasallar á familia.

 

 

Voluntariado de lectura en San Xerome

 Dentro das actividades conmemorativas do Día do libro, o alumnado de 6º de Primaria, dentro da súa actividade de Voluntariado, acudiu ao Centro de Educación Especial, San Xerome, para contarlles dous contos: 

Non todas as nenas lles gusta o rosa, de David Pintor

No abras este libro, de Andy Lee.

Ademaís, nesta ocasión uniuse o alumnado de 3º de Primaria que comprementaron a actividade lendo poemas do libro O meu gato é un poeta, de Fran Alonso.

Para finalizar, merendaron no patio do colexio em xogaron todos/as xuntos/as.

Foi unha actividade moi especial para todos! Xa estamos pensando en repetir!

 

Maratón de contos polo Día do Libro 2026

Este 23 de abril, celebramos o Día do libro en Bibliosolanas cun maratón de contos levado a cabo por membros da nosa comunidade. 

Pasaron pola nosa biblioteca para ler un conto ao noso alumnado: 

• Roberto Carrero (Alcalde)
• Isidro Lomba (Concelleiro de infraestruturas, vías e obras)
• Joaquín Navieira (Xefe da Policía Local)
• José Prades (entrenador de balonmán)
• Carmen María Peniza (Responsable do Plan Madruga)
• Francineia (Voluntaria de Cruz Vermella)
• Raquel Iglesias (Mestra na Galiña Azul)
• Cristina (Coidadora)
• Juan Pablo Ramírez
• Olalla Fuentefría
• Beatriz Lomba
• Beatriz
• Fabiola

Nova Revista MIAU

 Hoxe foi publicada a nova revista Miau, creada por la Escola de Muralhas de Valença do Miño e coa que colaboramos dentro do proxecto "Escolas de Fronteira.

Preme no sesginte enlace para vela: Revista Miau Abril 2026  ou le o código QR de abaixo.

 

Esperamos que sexa do voso agrado!  

Obradoiro A arte de contar contos Con Bea Campos

 O xoves 16 de abril tivemos a sorte de contar con Bea Campos que nos realizou un Obradoiro "A arte de contar contos".

A actividade tivo pleno, enchendo todas as prazas dispoñibles.

A valoración das familias foi moi positiva o que nos motiva a seguir traballando nesta línea!

Obradoiro musical de BiblioCreativa 2026

Mañá venres, o alumnado de Infantil e do 1º Ciclo de Primaria, contará cun obradoiro musical moi interesante na nosa biblioteca, da man da Escola de Música LILI.

Agardamos que o disfruten moitísimo!

Proximamente subiremos fotos da actividade!

Xuntanza do Club de lectura "Un mar de contos"

 O mércores, 26 de marzo, tivemos unha nova xuntanza do club de lectura "Un mar de contos" onde falamos do último libro que estivemos lendo: "Harry Potter y la piedra filosofal".

Comezamos cun xantar e logo realizamos un Escape Room baseado no libro.

Foi unha xornada diferente e interesante.