Apertura de BiblioSolanas 2025-2026

 

Apertura Bibliosolanas 25-26 de Fabiola

Bibliosolanas 2025/2026

 

Despedida do Voluntariado 2024-2025

 Rematou o curso e con el a inestimable axuda que os voluntarios da biblioteca nos ofreceron e que dende o equipo de Bibliosolanas non queriamos deixar pasar sen agradecer.

Dende a Asesoría de Bibliotecas chegáronlles os diplomas acreditativos e unha mochila de agasallo a todos os que participaron, tanto no Voluntriado de Lectura como no de Xestion e organización da biblioteca.

E nós quixemos ofrecerlles, ao voluntariado de Xestión e organización, que estivo colaboranto todos os recreos na biblioteca, un pequeno agarimo. E este ano, como non podería ser menos, foi un bolígrafo de cine.  

Boa pasaxe para o instituto para todos/as  e ánimo ao alumnado de 5º de Primaria, para que no próximo ano moitos/as queiran ser tamén axudantes en BiblioSolanas!

Visita da escritora Iria Misa e despedida do club de lectura "Os peixes gordos"

 Como peche das actividades do club de lectura de nenos/as de 5º e 6º de primaria, tivemos a visita da escritora Iria Misa, autora, entre outros, dos libros "Unha veciña de película" e "Excursión a Cans. Unha veciña de película"

 

Estivo con todo o alumnado en BiblioSolanas falando destes libros. Asinou autógrafos a todos e todas os que o desexaron. E despois quedou a comer con nós no colexio. A acompañaron algúns dos alumnos e ademáis tamén acudiron algúns dos membros do "Club de lectura Salitre" (de adultos).

 

Ademáis, o alumnado realizou unha Xincana con probas ambientadas nestes dous libros. 

 

Foi un pracer poder desfrutar da compañía desta grande escritora e compartir conversas con ela. 

Volta cando queiras a Bibliosolanas! 

Fin do proxecto 2024-2025 "Vai de Cine"

O luns 16 de xuño, todo o alumnado de Primaria acudiu aos Cines Gran Vía de Vigo a ver a película "Lilo y Stich".

Foi unha actividade organizada polo equipo ACE como peche do noso Proxecto Anual. "Vai de Cine"

Obradoiro de reciclaxe

 As titoras do primeiro ciclo de primaria organizaron unha actividade de creación de esculturas con materiais de refugallo. E o seu alumnado mostrou a grande creatividade que teñen con obras moi interesantes.

 

 Esperamos que haxa moitas máis actividades no futuro que demostren que a nosa biblioteca está chea de creatividae!! 

OBRADOIRO LECTURA E FAMILIAS CON SABELA GAGO

 O mércores 4 de xuño tivemos a sorte de ter en BiblioSolanas a Sabela Gago impartindo o seu Obradoiro. 

Comezou cunha dinámica para os mais cativos. Segui co album ilustrado "Este es mi padre" e finalizou coa actividade de crear un libro propio de monstros.

 

E para rematar, merendamos todos xuntos/as!   

Esta actividade puidose realizar grazas ao programa Lectura e Familias das Bibliotecas escolares de Galicia. 

                

Obradoiro Lectura e familias 2025

 

Obradoiro de Biblioteca Creativa Con Sonia Hermida

O luns, 26 de maio, realizaronse na nosa biblioteca dous obradoiros, un co alumnado do primeiro ciclo de Primaria e outro co alumnado de Infantil, onde realizaron unha experimentación táctil con ollos tapados e posteriormente crearon cadansúa obra artística. Todo isto da man de Sonia Hermida e gracias ao programa de Bibliotecas Creativas.

Foi un pracer poder  desfrutar desta actividade!