BIBLIOSOLANAS

CELEBRACIÓN DO DÍA DA PAZ

2012-02-08T17:35:00.000+01:00

Durante o mes de xaneiro realizaronse moitas actividades para celebrar este día. Houbo unha exposición temática con libros que tratan de paz e amizade, un certame de poesía cunha altísima participación; os nenos e as nenas recitaron os seus poemas... Todo esto amosávosmolo a continuación en imaxes.

Poemas de Educación Infantil

Poemas do 1º ciclo

Poemas do 2º ciclo

Poemas do 3º ciclo

PUZZLES

2011-12-28T17:52:00.001+01:00

Estas son as dúas postais de Nadal que tiveron o 1º premio. Se premes en cada unha delas terás un puzzle. Atréveste a facelo?

48

54

A NOSA APORTACIÓN AO BUBISHER

2011-12-22T11:24:00.002+01:00

Nós tamén nos sumamos a este fermoso proxecto co álbum "La máscara del león".

O BUBISHER

2011-12-22T11:08:00.000+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

POSTAIS GANADORAS

2011-12-20T12:10:00.000+01:00

Aquí están as 6 postais ganadoras. Como vedes hai 2 primeiras porque quedaron empatadas. Unha será a felicitación oficial e a outra, a portada do tríptico da biblioteca.

CONCURSO DE POSTAIS DE NADAL

2011-12-19T12:45:00.000+01:00

Ao concurso presentáronse unhas 70 postais. Foi moi difícil escoller as ganadoras porque todas son moi bonitas e están feitas con moito mimo. Grazas pola participación e aquí van todas.

RECURSOS PARA O NADAL

2011-12-03T19:42:00.000+01:00

Premendo na imaxe tendes un montón de actividades para o Nadal.
Chégannos así, tan ben organizadas, dende á biblioteca do CEIP Milladoiro de Malpica de Bergantiños. Grazas polo voso traballo e por compartilo.

CONCURSO DE POSTAIS DE NADAL

2011-12-02T22:03:00.000+01:00

Convócase un concurso de postais navideñas.

Teñen que ser en galego e feitas no papel que está á vosa disposición na biblioteca.

Por detrás tendes que por nome e curso.

O prazo de entrega é o 15 de decembro.

A postal gañadora, será a felicitación oficial do centro nestas festas navideñas.

Ánimo artistas!!!

Xoana e a bruxa Maruxa

2011-12-02T21:51:00.000+01:00

XOANA E A BRUXA on Storybird

CELEBRANDO O DÍA INTERNACIONAL DAS BIBLIOTECAS ESCOLARES

2011-10-23T20:41:00.001+02:00

O cuarto luns do mes de outubro celébrase o Día Internacional das Bibliotecas Escolares.
Nós este ano xa o celebramos o pasado venres día 21 aproveitando o bo tempo. Fixéronse os apadriñamentos e amadriñamentos lectores, así xa quedan para todo o curso. Cada neno e cada nena saben quen é o padriño lector ou a madriña lectora ou quen é o seu afillado ou afillada.
Repetiremos a actividade noutras ocasións xa que lles gusta moitísimo.

RECURSOS PARA A EDUCACIÓN DOCUMENTAL

2011-10-22T22:14:00.001+02:00

Aquí temos unha morea de recursos para a educación documental e a formación de usuarios que nos veñen dende a biblioteca escolar do CEIP Víctor Sáenz de Mazaricos na Coruña. Un excelente traballo do que, no equipo da biblioteca estamos seguras que imos sacar moito rendemento. Podedes atopalos tamén no menú lateral do blog

LENDO XUNT@S

2011-10-21T21:11:00.001+02:00

"Lendo xunt@s" é unha actividade que consistía en que as familias nos mostraran como len cos seus fillos e fillas ou como estes xa len soíñ@s. Con todas faremos un fermoso álbum para a biblioteca.
Estas son as fotos que nos chegaron (aínda seguen chegando). Son moi tenras, moi bonitas. Encántanos que compartades lecturas, que os nenos e nenas lean, encántanos tervos no pasillo do cole.
Graciñas ás familias que están sempre dispostas a colaborar nas actividades que vos propoñemos dende a biblioteca.

XOGO DA OCA

2011-10-13T13:11:00.002+02:00

Este xogo da oca recórdanos moitos dos libros que lemos no proxecto "Do río ao mar, ler e desfrutar".
Este curso empezamos as actividades da biblioteca xogando á oca. Foi moi fácil pero, xa veredes... imos complicar un pouquiño o xogo. Xa vos contaremos.

MOCHILAS VIAXEIRAS

2011-10-13T13:01:00.000+02:00

As mochilas viaxeiras xa iniciaron a súa andaina. Cada curso veu a recoller a súa mochila á biblioteca e todos e todas levaron ademais un díptico no que se recordan as normas, horario, funcionamento ... da biblioteca.

UNHA NOVA BOA E UNHA MALA

2011-09-18T13:47:00.000+02:00

Via : Trafegando ronseis

ENTREGA DE DIPLOMAS

2011-06-13T12:49:00.001+02:00

Así foi a entrega de diplomas ás máis lectoras e máis lectores de cada curso:

Roberto de 4º de EI
Aroa de 5º de EI
Ángela de 6º de EI
María de 1º de Primaria
Aimara de 2º de Primaria
Mario de 3º de Primaria
Julia de 4º de Primaria
Alicia e Lucía de 5º de Primaria
Alba de 6º de Primaria

A TÓMBOLA

2011-06-13T12:37:00.001+02:00

Chegou a tómbola. Houbo agasallos para todo o alumnado que xuntou Nicopuntos participando nas actividades propostas e organizadas dende a biblioteca. Había tantas cousas bonitas que era moi difícil escoller menos mal que as profes estaban alí para axudar.

Unha exposición moi interesante!

2011-06-01T00:44:00.001+02:00

Gracias ao CRA María Zambrano do Rosal teremos durante unhas semanas no salón de actos unha exposición de libros infantiles de todo o mundo. Están en moitos idiomas diferentes e todos podedes pasar a ollala polo noso cole. Agardamos por todos vos para que veñades a vela!

Open publication - Free publishing - More books

AMADRIÑAMENTOS E APADRIÑAMENTOS LECTORES

2011-05-09T23:27:00.000+02:00

Aquí están as madriñas e os padriños dos máis peques. Escolleron un conto para os seus afillados e afilladas e hoxe na hora de ler buscaron un recuncho onde compartir lecturas. A cambio recibirán un debuxo. Despois xuntámonos na biblioteca e a opinión foi unánime : hai que repetir.

CALENDARIO DAS EMOCIÓNS

2011-05-08T21:10:00.002+02:00

Open publication - Free publishing - More edu

Do río ao mar, ler e desfrutar

2011-05-08T11:43:00.001+02:00

Esta magnífica presentación resume as actividades que se fixeron ao longo dos dous anos de proxecto. Foi presentada polos coordenadores nas xornadas de Agrupacións de Centros Escolares que organiza o Ministerio de Educación en Madrid.

"Del río al mar, leer y disfrutar"

View more presentations from School

Marcapáxinas ganador do concurso

2011-05-08T11:14:00.000+02:00

Este é o marcapáxinas ganador do concurso. Foi moi difícil escoller un só ganador porque se presentaron moitos e moi chulos. Pronto o teredes todos e todas.

XOGANDO Á OCA

2011-05-08T11:04:00.001+02:00

Unha das actividades do Día do Libro foi o Xogo da Oca. Temos unha oca xigante feita con portadas de libros que traballamos os dous anos que durou o proxecto do ARCE: "Do río ao mar, ler e desfrutar".
As nenas e os nenos de Primaria pintaron as portadas e as profes montamos unha oca fantástica. Utilizamos ademais o logo do proxecto e os mapas cos que navegamos polos ríos Douro, Manzanares e Miño.
Encantoulles xogar e xa están desexando repetir.

A NOSA BIBLIOTECA É UNHA FÁBRICA DE EMOCIÓNS

2011-04-29T17:51:00.001+02:00

Este ano 2011estamos a traballar as emocións. cada mes adicámosllo a unha : en xaneiro a paz, en febreiro o amor, en marzo a ledicia, en abril os celos, ... e así seguiremos ata rematar o ano, de emoción en emoción.
Estas son algunhas das actividades que fixemos nos primeiros meses do ano :

Este ano a nosa biblioteca é unha FÁBRICA DE EMOCIÓNS

Entre todos os cursos fixemos un calendario xigante adicando cada mes a unha emoción

En febreiro houbo concurso de cartas de amor con humor e unha exposición de libros de moito amor

En marzo houbo moitos libros de poesía e de árbores.Ademais, os nenos e as nenas escribiron e recitaron poemas; fixeron un caderniño sobre a ledicia, seguiron co Código Letrinchi...
Con tantas actividades xa teñen unha morea de Nicopuntos para xogar na tómbola de fin de curso.

CONCURSO DE MARCAPÁXINAS

2011-04-11T12:49:00.001+02:00

BASES DO CONCURSO:

Crea o teu propio diseño na plantilla que che damos.
Escribe, en galego, un eslogan ou frase que anime a ler.
Decorao para que quede vistoso e bonito.
Entregao na biblioteca antes do Xoves 14 de Abril.
Os participantes terán Nicopuntos.

O gañador ou gañadora, ademáis de Nicopuntos, terá a honra de que todos os nenos e nenas, mestres e mestras de Solanas teñan o seu marcapáxinas para conmemorar o mes dos libros.

CELEBRAMOS O DÍA DA POESÍA

2011-03-22T12:19:00.002+01:00

Onte, 21 de marzo celebramos o Día da Poesía cun recital de poesías escritas e decoradas polo alumnado do colexio. Houbo moitos e moitas participantes. Cos seus poemas faremos un fermoso libro para a biblioteca.
As nenas e os nenos de 5º encargáronse de decorar o salón de actos. A que quedou moi bonito?

Aquí deixamos unhas fotos

Estes son os vídeos de Infantil

ACTIVIDADES DO MES DE FEBREIRO

2011-03-15T10:02:00.002+01:00


Participamos no concurso de cartas de amor con humor

No mes de febreiro seguimos co "Código Letrinchi". Xa hai alumnas e alumnos que remataron o caderno e que descubiron a mensaxe oculta. Esperemos que pronto rematen moitos e moitas máis. Na foto vemos á profe Yolanda repartindo as pegatinas cos códigos para a mensaxe.


Tamén repartimos a segunda ronda de mochilas que levan circulando dende o mes de outubro por todas as aulas de Infantil e Primaria. Aquí están preparadas as de Primaria.

DÍAS DE ENTROIDO

2011-03-15T09:24:00.000+01:00

Que ben o pasamos no Entroido! Pero andivemos tan atarefadas que nin tempo tivemos para ir actualizando o blog.
Agora con un pouco máis de calma xa podemos ensinarvos algunhas cousas que fixemos. Nos enlaces que van a continuación podedes ver as fotos do desfile, da festa gastronómica e da queima do meco e da meca.
Tamén deixamos o caderno de investigación aquí

Open publication - Free publishing - More caderno

FÁBRICA DE EMOCIÓNS

2011-02-03T20:32:00.001+01:00

O noso calendario das emocións

vai vento en popa!!

En nada o teredes exposto...

Qué intriga!!

Cómo representaría cada
nivel a súa emoción?

ACTIVIDADES PARA O DÍA DA PAZ

2011-01-26T12:42:00.000+01:00

O 30 de xaneiro celebramos o "Día Escolar da Paz e a Non Violencia". Aquí deixamos un enlace con moitas actividades que foron recopiladas polo equipo de biblioteca do C.E.I.P. VÍCTOR SAENZ de Mazaricos.

LIBROS PARA O NADAL

2011-01-16T19:12:00.000+01:00

Como xa sabedes, dende hai dous anos estivemos a participar nun proxecto da Agrupación de Centros Escolares xunto cun colexio de Colmenar Viejo (Madrid) e outro de Villaralbo (Zamora). Era de fomento da lectura e levaba por título "Do río ao mar, ler e desfrutar".
Unha das últimas actividades que fixemos foi a proposta de libros para o Nadal pero este ano foron os nenos e as nenas de cada centro os que se intercambiaron propostas nunha actividade que titulamos "Pídelle ao Reis"
Aquí deixamos unha mostra dos libros que se recomendaron.

3 DE DECEMBRO, DÍA INTERNACIONAL DAS PERSOAS CON DISCAPACIDADE

2010-12-01T22:22:00.000+01:00

Según datos da UNESCO, na actualidade, hai 75 millóns de nenos en idade escolar que non asisten ao colexio e os menores con discapacidade representan a terceira parte dese grupo. A educación pode contribuír de maneira decisiva a superar a marxinación dos discapacitados.
O acceso a unha educación integradora pode cambiarlles a vida, non só a quen padecen minusvalías, senón os que aprenden ao seu lado. Para saber máis

"El cazo de Lorenzo" un conto de Isabelle Carrier que nos chega a través do CEIP A Doblada de Vigo e que ilustra moi ben esta temática.

O MAGOSTO

2010-11-09T15:54:00.000+01:00

Estamos no tempo das castañas e dos magostos. Para celebralo imos deixarvos un enlace a unha estupenda recompilación de recursos feita pola biblioteca escolar do CEIP Víctor Saenz de San Cosme de Antes en Mazaricos. Só tendes que pinchar aquí

O CÓDIGO LETRINCHI

2010-10-27T22:30:00.004+02:00

Os nenos e nenas de Solanas xa empezaron a ler e ler para conseguir os códigos necesarios para descifrar o LETRINCHI!.
E esto qué é? Este curso temos unha maneira diferente de animar a ler os alumnos e alumnas do noso Centro!.
Cada ciclo ten o seu caderniño no que aparece unha mensaxe por descifrar e unha lista de asociación letra-código. Ademáis pola outra cara están as casiñas valeiras para ir pegando os códigos conseguidos!
Cal será a mensaxe?
Están todos moi interesados e as fichas de lectura enchen as caixas na nosa biblioteca para conseguir códigos e así, canto antes!, descifrar o segredo!

BIBLIOBURRO

2010-10-26T07:13:00.001+02:00

Un mestre, Luis Soriano, achega os libros e a lectura aos pobos máis apartados de Colombia. Os seus burros Alfa e Beta cargan con 120 libros que deste xeito chegan á poboación de zonas moi desfavorecidas que de non ser polo "biblioburro" non terían acceso á lectura.

DÍA DAS BIBLIOTECAS ESCOLARES

2010-10-24T12:13:00.000+02:00

O 23 de outubro celébrase o día das bibliotecas escolares. A Consellería de Educación difundiu un cartel co lema : Biblioteca escolar: un mundo de oportunidades e que nos lembra as posibiblidades que a biblioteca escolar nos ofrece para formarnos, para soñar, para viaxar, para investigar, para buscar respostas, para descubrir outros mundos ...

Nós tamén celebramos este día pondo en circulación as mochilas viaxeiras que este ano ampliamos a unha por clase e repartindo marcapáxinas para pintar a todo o alumnado.

EMPEZAMOS!!

2010-10-02T11:26:00.006+02:00

Empezamos a actualizar o blog, que xa ía sendo hora, porque, xa sabedes, ao principio do curso sempre hai moitas cousas que organizar para que despois vaia todo sobre rodas.

Este curso na biblioteca imos traballar coas emocións. A biblioteca será unha FÁBRICA DE EMOCIÓNS. Empezamos co MEDO e adicaremos cada mes a un sentimento.

Pero para este curso temos moitos máis proxectos : o Código Letrinchi, as mochilas viaxeiras, exposicións temáticas, cadernos de investigación ... e moitas actividades das que iremos dando conta neste blog.

O NOSO MAR

2010-06-10T16:15:00.003+02:00

Preme na imaxe para ir á webquest e aprender moitas cousas sobre o noso mar.

DÍA DAS LETRAS GALEGAS 2010

2010-05-02T22:14:00.008+02:00

Dende 1963, todos os anos celebramos o 17 de maio o Día das Letras Galegas. Cada ano homenaxéase a un escritor ou escritora. Este ano está adicado ao poeta do Courel, Uxío Novoneyra.
Nos seguintes enlaces podes aprender máis desta data e do autor.

Día das Letras Galegas. Por que se celebra o 17 de maio.Escritores e escritoras homenaxeados ao longo destes anos.
Biografía, obra e outros datos de interés de Uxío Novoneyra
Serra do courel
Información e actividades en liña do Seminario Galán

Dende o Ceip Condesa de Fenosa do Barco de Valdeorras o Equipo da Biblioteca ofrécenos este Lim sobre Uxio Novoneyra.

Unha webquest para o 3º ciclo, elaborada polo Equipo de Biblioteca do Ceip Andrade.

Dende o Ceip de Frian de Teis achégannos este LIM para Infantil e 1º Ciclo e estoutro para 2º e 3º Ciclo baseados no conto de Uxio Novoneyra Ilda, o corzo, o lobo e o xabarín, no que hai actividades multimedia sobre a flora e a fauna do Courel.

23 DE ABRIL, DÍA INTERNACIONAL DO LIBRO

2010-04-20T16:40:00.000+02:00

Dende o CEP Cespón, Lola Iglesias achéganos unha Webquest para o 2º e 3º ciclos. Con ela, poderán saber moito máis sobre a celebración deste día. Preme na imaxe para acceder

CELEBRACIÓN DO DÍA DA POESÍA

2010-04-20T16:12:00.002+02:00

O pasado 26 de marzo celebramos o "Día da Poesía" cun maratón de lectura de poemas nos que participou a maioría do alumnado, algunhas profes, un pai, unha nai e o cantautor Tino Baz que nos recitou un poema escrito por el.
Foi un acto moi bonito, tanto que pensamos repetir o ano que vén.

LOBO LOBO .

2010-03-18T17:40:00.000+01:00

Escoita este conto de Xoan Babarro contado polos alumnos e alumnas de 4º de Primaria

"Concurso literario"

2010-03-03T22:08:00.005+01:00

Co gallo do día do libro (que se celebra o 23 de abril) dende a Biblioteca organizase un Concurso Literario no que poderán participar tódolos nenos e nenas do colexio. Haberá un premio diferente por cada ciclo e Nicopuntos a tódolos participantes.

As BASES do concurso son as seguintes:

Os traballos teñen que ser inventados polo/a neno/a.
Poden ser contos, comics, poemas, fábulas... cunha extensión máxima de 4 follas (DA 4 por unha cara) e mínima de unha. (Os poemas poden non cumprimentar toda a folla).
A temática é libre.
Ten que estar escrito a man, con letra clara e ben presentado. (Recordamos que é importante manter unhas marxes axeitadas)
Os traballos serán en Galego.
Poden ser ilustrados (con debuxos) e valorarase a presentación: presenza, orixinalidade...
Os traballos entregaranse na biblioteca, a calquera das responsables, como máximo ata o venres 16 de abril. Os que se entreguen despois desa data non optarán ao premio.

DESFILE DO ENTROIDO 2010

2010-02-15T20:26:00.000+01:00

ACTIVIDADES PARA O ENTROIDO E SAN VALENTÍN

2010-02-10T09:52:00.000+01:00

Hai unha morea de actividades que nos chegan grazas á biblioteca do CEIP Mestres Goldar para saber máis destas dúas datas. Se queres velas, preme aquí.

XA ESTÁ AQUÍ O MECO

2010-02-08T22:05:00.001+01:00

Xa chegou, como todos os anos, puntual á súa cita. O Meco está a dar ordes do que temos que traer cada día e nós a obedecer:
O luns un sombreiro, o martes un narigón, o mércores un calcetín de cada cor, o xoves unha peluca e o venres disfrazad@s para desfilar cos demais coles da Guarda polas rúas do pobo.

ULTIMÁTUN EVOLUTIVO

2010-02-07T11:06:00.000+01:00

E ti, a quen te queres parecer?

DÍA DA PAZ E NON VIOLENCIA

2010-01-25T16:46:00.009+01:00

Podedes atopar moitas actividades na páxina do cole e desfrutar cunha estupenda recompilación de cancións pola PAZ realizada coas achegas das bibliotecas escolares que nos chega vía O RECANTO DE MIK do CEIP Mestres Goldar de Vigo

As cartas aos Reis Magos dos nenos de Ed. Infantil

2010-01-14T23:30:00.001+01:00

E as cartas dos nenos de infantil. Aquí tedes algunhas para que vexades o moitísimo que se esforzaron e traballaron.

Algunhas das vosas cartas aos Reis Magos e a Papa Noel

2010-01-12T22:55:00.003+01:00

Como vos tiñamos prometido eiquí vos van publicadas algunhas das cartas escritas polos rapaces e rapazas de primaria, recibidas nos buzóns do colexio. Esperemos que vos chegasen eses agasallos tan desexados!

GUÍA DE LECTURAS PARA O NADAL

2009-12-16T18:57:00.005+01:00

Estas son as nosas recomendacións para o Nadal

Escribide rápido!

2009-12-03T21:59:00.005+01:00

Este ano Papá Noel e os Reis Magos van poder ler as vosas cartas neste blogue da biblioteca. Para iso tedes que escribirlles axiña e deixalas nos buzóns do cole. As mais bonitas vamos poñelas aquí para que eles as poidan ler. Recordade que se facedes boa letra van a saber mellor qué é o que lles estades pedindo.
A partir da próxima semana xa estarán os buzóns na entrada do colexio!
Animádevos!

Aquí tedes algúns papeis de cartas de nadal que podedes empregar para escribirlas.

modelo 1 modelo 2 modelo 3 modelo 4 modelo 5

modelo 6 mo delo 7 modelo 8 modelo 9 modelo 10

CONTRA A VIOLENCIA DE XÉNERO

2009-11-25T10:38:00.004+01:00

Grazas á biblioteca do CEIP de Pazos temos este fermoso lazo.

Como se di no seu blogue : Todas as Bibliotecas Escolares de Galicia traballamos na sensibilización dos que mañá serán homes e mulleres. Temos a obriga de educar nos valores que axuden a crear os hábitos de respecto necesarios para poñer fin á VIOLENCIA; a calquera clase de violencia.

Nestes días no cole estamos a traballar neste tema utilizando os materiais do blogue da biblioteca do CEIP de Quintela (Moaña) agora vía a biblioteca do CEIP de Pazos temos acceso a este enlace sobre COEDUCACIÓN da escola de Vide.

CONTOS DE MEDO DE INFANTIL PREMIADOS

2009-11-22T20:36:00.008+01:00

Este conto está neste vídeo

CONTOS DE MEDO DE PRIMARIA PREMIADOS

2009-11-21T18:12:00.004+01:00

AXUNDANTES NA BIBLIOTECA

2009-11-20T17:37:00.003+01:00

Aquí temos aos axudantes e axudantas da biblioteca. Estarán na biblioteca en grupos de dous durante o recreo para os empréstitos e devolucións. Tamén axudan ordenando os libros, pondo etiquetas , informando aos compañeiros e compañeiras .... Onte asinaron un "compromiso" e o luns empezan.

CHARLA SOBRE CETÁCEOS

2009-11-17T20:19:00.004+01:00

Que interesante! Canto aprendemos! A charla sobre os cetáceos que veu impartir o biólogo de CEMMA deunos moitísima información sobre estes mamíferos mariños. Ata poidemos escoitar como se comunican. Non se nos esquecerán os laios dun golfiño que estaba atrapado, menos mal que os de CEMMA poideron salvalo.
Agora esperamos os vosos debuxos, contos, relatos, ... sobre o que aprendestes para polo no blogue.

GOLFIÑOS NA PROA

2009-11-17T19:59:00.003+01:00

Estes son algúns dos carteis da exposición de "Golfiños na proa" que CEMMA (Coordinadora para o estudio dos mamíferos mariños) nos trouxo ao cole. A exposición estivo aquí unha semana completa. Gustounos moito.

CONCURSO DE CONTOS DE MEDO

2009-11-11T20:17:00.005+01:00

Xa están na biblioteca os vosos contos de medo. Agora só nos queda decidir cales serán os premiados. Que difícil! Son todos chulísimos!

MÁXIA NA BIBLIOTECA

2009-11-10T16:20:00.002+01:00

Así celebramos que a biblioteca está remodelada, cun contacontos moi máxico

DÍA DAS BIBLIOTECAS

2009-10-30T17:21:00.003+01:00

Celebrámolo cun agasallo a todo o alumnado : un libro e un marcapáxinas

ASTERIX ESTÁ DE CUMPLEANOS

2009-10-29T19:44:00.004+01:00

Estes personaxes que tanto nos gustan, cumpliron hoxe 50 anos. O 29 de outubro de 1959 naceron estes heroes nas páxinas da revista Pilote, creados por Albert Uderzo e René Goscinny.

ATENT@S ÁS NOVIDADES

2009-10-28T19:38:00.005+01:00

Nico está preparando a exposición de novidades. Xa queda pouco para que empecemos a percorrer o río Douro coas nosas lecturas. Esta vez vai de lobos, de bruxas e de máxia, moita maxia.

Prestade moita atención. Acercámonos ao SAMAÍN... a ver quen se atreve coas lecturas de medo, terror, pánico!!

ELMER

2009-10-28T12:54:00.000+01:00

A ver se vos gusta

DÍA DAS BIBLIOTECAS

2009-10-25T16:52:00.002+01:00

O 24 de outubro celébrase en todo o mundo o "DÍA DAS BIBLIOTECAS"

Nós imos a celebrálo agasallando un libro e un marcapáxinas a todos os nenos e nenas do colexio.
Esperamos que vos guste.

MAR DE ESTRELAS

2009-10-02T21:10:00.002+02:00

Espectacular viaxe submarina polas augas e fondos das rías galegas coma se se tratase dunha viaxe pola galaxia. A maioría das imaxes deste documental protagonizado por polbos, luras, chocos e outras especies, foron gravadas de noite.
Director: Jorge J. Candán

Visto en Flocos TV

XA ESTAMOS NO PLAN DE MELLORA DE BIBLIOTECAS ESCOLARES

2009-06-30T20:14:00.004+02:00

Por fin chegamos!! As mestras do equipo da Biblioteca estamos encantadas de poder levar a cabo o noso proxecto. En setembro habemos de contaxiarlle o noso entusiasmo as nenas e nenos para levar a cabo o noso proxecto.

FESTIVAL DO DÍA DAS LETRAS GALEGAS

2009-05-27T22:13:00.004+02:00

O MEU LIBRO FAVORITO

2009-05-27T20:49:00.001+02:00

Como nos gustou facer a foto co libro favorito! E ainda que aquí non se nota moito, todo o mundo nos di que estamos moi guapos e moi guapas e que sabemos dicir cousas interesantes do libro favorito.
Imos facer un álbum precioso con todas as fotos e xa decidimos que o ano que vén, REPETIMOS !!

CELEBRAMOS O DÍA DO LIBRO

2009-04-23T18:50:00.007+02:00

¡Para conmemorar o Día do Libro todos os nenos e nenas, mestres e mestras recibimos hoxe un pequeno agasallo que nos acompañará nas próximas lecturas!

O día do libro

2009-04-22T11:22:00.002+02:00

Como estamos na semana no libro, preparamos na biblioteca unha exposición das novidades para que pasedes a velas.
Ademais temos preparadas varias actividades para o día do libro, entre elas unha sesión de contacontos organizada polo 1º ciclo á que estades todos convidados.

El Ruiseñor

2009-04-15T21:32:00.010+02:00

EL PEQUEÑO RUISEÑOR

Aquí tenemos los enlaces para visualizar el cuento "El Ruiseñor" para las actividades de 3º de Primaria del proyecto: "Do río ao mar: ler e disfrutar".

AS NOSAS HISTORIAS....

2009-04-01T20:23:00.010+02:00

Xa que vemos cada día nas noticias o que están facendo coas focas, unha alumna de 6º quere compartir con todos unha historia que alguén cercano lle contou.....

"Un día un mariñeiro caeu a auga dende o barco e ninguén se deu conta. Ese home tivo a sorte de estar algo cerca de terra e despois de estar nadando e nadando, ata que case xa non podía manterse a flote, unhas focas que estaban por alí, arrimáronse a él e déronlle calor para axudalo.

Os compañeiros o cabo do tempo déronse conta de que non estaba no barco e foron buscalo. Cando o atoparon rodeado de focas pensaron que o estaban matando. Ó final miraron ben e xa viron que o que facían era protexelo. Botáronlle un flotador e o subiron ó barco. Él contoulles todo o que lle pasara e cómo o axudaron as focas.

Cando chegou a casa todo contento foi a contarlle á muller a súa aventura e atopouna cun abrigo de pel de foca. O mariñeiro colleu o abrigo e tirouno no sofá e relatoulle a muller todo o que pasara. Ela deuse conta do que as focas fixeran por él así que o día seguinte foi devolver o abrigo á tenda e a decirlles as persoas que os facían que non tiñan corazón . A familia dese home nunca máis voltou a comprar ningún tipo de pel."
Escrito por Janette Haiman Verde - 6º

QUINCENA DA POESÍA

2009-03-31T22:30:00.003+02:00

Nestas dúas semanas podedes desfrutar dunha exposición de libros de poesía na Biblioteca. Tédelos expostos para levar ou ler cos compañeiros nas vosas visitas á Biblioteca.

¡¡Esperamos que vos gusten!!

NOVOS MARCAPÁXINAS

2009-03-24T00:03:00.007+01:00

A partir de hoxe tedes a vosa disposición na Biblioteca uns novos marcapáxinas. Hai varios modelos para poder decorar, pintar e recortar o voso gusto. Dende a Biblioteca pensamos que, ademáis de ser punto de lectura, vos axudarán a recordar a data de entrega do libro que tedes emprestado. A hora de coller un libro, se traedes o marcapáxinas, poñerémosvos pola parte traseira a data tope de devolución. Pola parte dianteira vos recordamos a dirección deste blogue e a do Proxecto de Agrupación de Centros no que estamos participando, "Do río ao mar, ler e desfrutar".

O NOSO CONTO

2009-03-16T19:13:00.007+01:00

Aquí está a historia que fixemos entre todos co Contacontos:

Érase unha vez unha galiña que estaba no seu galiñeiro durmindo.

De repente apareceu un raposo que quería comela.
Pasaba por alí un gato e ó ver á galiña tan asustada tentouna protexer. Entón o raposo ó ver ó gato protexendo á galiña foi pola dereita onde había unha trampa con cravos e pinchos. Como non puido pasar deu a volta polo outro lado e atopouse outra vez co gato.
O gato saltou enriba do raposo e ó rodar case que cae na trampa de pinchos! Tívose que agarrar coas unllas. O raposo aproveitou para morderlle a cola e do salto que deu, o gato foi parar enriba do tellado da casa.

Co escándalo viñeron máis animais a axudar ó gato. Eran da súa pandilla .
Mentres pasaba todo esto a galiña aproveitou para escapar cara ó bosque e meteuse nunha casa que atopou, o que non sabía era que alí vivía o raposo......

Agora tan só nos queda rematala e poñerlle un título!!! Para elo podedes escribir os vosos finais e títulos e darllos as encargadas da Biblioteca para que aparezan no blog e todos desfrutemos deles!!!

CONTACONTOS

2009-03-16T18:48:00.007+01:00

O pasado xoves, 12 de Marzo, visitounos un Contacontos na Biblioteca. Axudado polo seu amigo "Sexismundo" contounos moitas historias! Coa primeira delas aprendimos "Cómo se pagan os favores", logo fixemos entre todos unha historia dunha galiña, un raposo e un gato que veredes máis adiante. Para rematar contounos a historia dun verme que dicía unha frase que nos fixo rir moito a todos e repetimos unha e outra vez: "Son eu, o grande guerreiro, fillo do xigante que perdeu os grilletes do tobillo na batalla de Curdiales, o rinoceronte tirou patas arriba e o elefante... caca de vaca!!!!". Tamén colaboramos con él, e coa axuda do seu amigo, algúns de nós animámonos a contar algunha historia divertida!! Pasámolo tan ben que non queríamos deixalo marchar así que lle pregamos por unha historia máis e contounos a dun pai e un fillo mailo seu burro.

ANDALUNA E SAMIR

2009-03-06T07:36:00.004+01:00

Andaluna e Samir son personaxes de debuxos animados creados pola Junta de Andalucía e distribuídos nun DVD gratuíto.
Este que podedes ver aquí é o 1º capítulo e fala de igoaldade de xénero.

IGUALDADE

2009-03-05T12:52:00.004+01:00

Xa que o 8 de marzo se celebra o día da muller traballadora, queremos reivindicar a igualdade entre home s e mulleres. Por eso vos animamos a realizar traballos relacionados coa temática.

Se precisades información, na biblioteca atoparedes libros que vos poden axudar.

2009-03-03T22:29:00.011+01:00

NOVA MASCOTA E EXPOSICIÓN

A nosa Biblioteca ten unha nova mascota!!! Xa todos coñecedes a Nico. Podedes pasar pola biblio a visitalo. Ademáis traenos unha nova exposición de libros sobre a auga. Todos eles están marcados cunha pegatina co Nico. Esperamos que vos gusten!!!

Desfile escolar

2009-02-19T13:00:00.002+01:00

Xa está todo preparado para o GRAN DESFILE no que participarán tódolos nenos e nenas da Guarda. Estade to dos atentos porque mañá a partir das 11.30 h, as rúas encheranse de colorido e moita diversión.

O Entroido

2009-02-12T16:55:00.005+01:00

Xa sabedes que falta pouco para a celebración do Entroido. Dende a biblioteca queremos animarvos a que participedes na súa decoración; todo o que se vos ocurra será benvido!

Achégase o entroido

2009-02-12T16:32:00.003+01:00

O próximo venres, día 20 de febreiro, dará comenzo o entroido!
O pistoletazo de saída será cun desfile polas ruas da Guarda dos nenos e nenas de tódolos colexios da localidade.
A temática escollida polo noso centro é: "Escapados dun libro".
Desexamos que todo sexa do voso agrado.

Queres participar?

2009-02-11T20:32:00.004+01:00

Gústache escribir? Tes feito algún poema, algún conto, algunha historia que queres dar a coñecer?
Queres dar a túa opinión sobre algún asunto relacionado coa lectura ou coa biblioteca?.....
Estupendo! Agora podes facelo neste blog. Só tes que porte en contacto con algunha das profes encargadas da biblioteca. Nós dirémosche como tes que facer.
Animo! esperamos as vosas aportacións.

Cómic das Illas Cíes

2009-02-11T20:26:00.002+01:00

Get your own - Open publication

Xa están preparando con entusiasmo a excursión ás Cíes.

Cómic sobre as Illas Cíes

2009-02-09T19:48:00.000+01:00

As alumnas e os alumnos de 5º, despois de informarse moi ben sobre o Parque Nacional das Illas Atlánticas, elaboraron cada un un cómic no que resumen o que aprenderon.
Seguro que cando vaian a visitar as Cíes han de contarnos moitas cousas interesantes.

O DÍA DA PAZ

2009-02-05T17:47:00.000+01:00

O día da Paz

View more presentations from ceip.solanas.

Actividade de formación de usuarios e usuarias

2009-01-18T20:59:00.005+01:00

Desde o CEIP Condesa de Fenosa do Barco de Valdeorras chega esta actividade que vos axudará a coñecer mellor a biblioteca. Probade a xogar co ela.

Un conto de Nadal

2009-01-18T20:12:00.001+01:00

Get your own - Open publication

Biblioteca do CPI O Rosal

2009-01-13T19:27:00.004+01:00

Este é un recuncho da nosa biblioteca. Ten moitas estanterías e moitos libros. A roda de cores aínda non está colocada no seu lugar pois estamos cambiando a distribución dos espazos.

As cores do outono no Montiño

2009-01-10T18:34:00.000+01:00

As árbores do Montiño teñen cores tan bonitas no outono que se prestan á poesía. Alguén se anima a escribir poemas que falen da súa fermosura? Se son boas, nós publicámolas aqui.

CONTACONTOS

2009-01-10T01:08:00.000+01:00

No 1º ciclo disfrutamos moito cos contos. Por iso preparamos por parellas unha historia cada semana para contarlla ao resto dos compañeiros.
É moi divertido, polo que vos animamos a participar!